በዱባይ የአለም መንግስታት ጉባዔ የኢትዮጵያ ልዑክ በተለያዩ የጎንዮሽ ምክክሮች ተሳተፈ

———————-

"Shaping Future Governments" በሚል መሪ ቃል እ.ኤ.አ ከፌብሯሪ 11-13 ቀን 2015 በዱባይ የተባበሩት ዐረብ ኤምሬቶች እየተካሄደ በሚገኘው ጉባኤ ሁለተኛ ቀን ውሎ የኢትዮጵያ ልዑክ ቡድን በተለያዩ የጎንዮሽ ምክክሮች ላይ ተሳትፎ እያደረገ ይገኛል፡፡

የኢ.ፌ.ዲ.ሪ. የግብርና ሚኒስትር ክቡር ዶ/ር ግርማ አመንቴ የዘላቂ የልማት ግቦችን አፈጻጸም አስመልክቶ በተካሄደ የጎንዮሽ ምክክር ላይ ተሳትፎ አድርገዋል፡፡ ከቁልፍ የልማት አጋር አገራት እና ከዓለም አቀፍ ድርጅት ተወካዮች ጋር በተደረገው ምክክር ላይ ክቡር ሚኒስትሩ ኢትዮጵያ ግቦቹን ለማሳካት እያደረገቸው ጥረት ገለጻ ሰጥተው የልማት አጋራት የሚያደርጉትን ድጋፍ እንዲያጠናክሩ ጥሪ አቅርበዋል፡፡

የኢኖቬሽንና ቴክኖሎጂ ሚኒስትር ክቡር ዶ/ር በለጠ ሞላ በበኩላቸው “Reimagining Technology for Government” በተሰኝ ውይይት ላይ ተሳተፎ አድርገዋል፡፡ በውይይቱ መንግስታት ስለ ቴክኖሎጂ ያላቸውን ዕይታ በድጋሚ እንዲያጤኑ የሚጠቁሙ ሞጋች ሃሳቦች ተነስተዉበታል፡፡

በቀጣይ በተደረጉ ውይይቶች ላይ ክቡር ሚኒስትሩ የኢትዮጵያ መንግስት የቴክኖሎጂ ዘርፉን ማዘመን ለሁለንተናዊ ልማት መሰረት ነው ብሎ እንሚያምን በማንሳት አገሪቱ ፈጠራን ለማሳደግ እየወሰደቻቸው ያሉ ቁልፍ ጅምር ስራዎች ዙሪያ ገለጻ ሰጥተዋል፡፡

በተባበሩት ዐረብ ኤምሬቶች ዱባይ እየተካሄደ ባለው የአለም መንግስታት ጉባኤ ላይ ኢትዮጵያ ተሳትፎዋን አጠናክራ ቀጥላለች።