ሬ ከቻይና ጠቅላይ ሚኒስትር ሊ ኪያንግ ጋር በሁለቱ ሀገሮቻችን መካከል ያለውን ትብብር የበለጠ ለማጠናከር በሚያስችሉ መንገዶች ላይ ውጤታማ ውይይት አድርገናል።

ቀደም ብሎ ፕሬዝዳንት ሺ ጂንፒንግ በቻይና-አፍሪካ የትብብር ጉባዔ ላይ ከእኛ የዕድገት እና የልማት ግቦች ጋር የሚናበቡ ዐሥር ነጥቦች ያሉት የድርጊት መርሐ ግብር ይፋ አድርገዋል። በተለይም ያደገ ምርታማነትን ለማሳካት ሥራዎቻችንን በምናዘምንበት የግብርና ትብብር መንገድ ላይ ፍላጎታችንን ገልጫለሁ። በኢንዱስትሪ ልማት እና በዲጂታላይዜሽን ሥራዎቻችን ላይ ድጋፍ ስለምናገኝበት ሁኔታም ተወያይተናል።

በጋራ በተገኘንበት 17 የመግባቢያ ሰነዶች ተፈርመዋል። እነዚህ ስምምነቶች በኢትዮጵያ እና በቻይና ላለው በሁሉም ሁኔታ ለማይለዋወጠው ስትራቴጂያዊ ትብብር (all weather strategic cooperation partnership) ዓይነተኛ ማሳያ ናቸው።