ኤጄንሲው በዛሬው እለት ስልጠናቸውን ላጠናቀቁ 127 ባለሞያዎች የኢኖቬሽን እና ቴክኖሎጂ ሚኒስቴር ሚኒስትር ዴኤታ ዶ/ር ይሽሩን አለማየሁ እና በምክትል ከንቲባ ማዕረግ የአዲስ አበባ ከተማ ዋና ስራ-አስኪያጅ ኢንጂነር ወንድሙ ሴታ በተገኙበት እውቅና ሰጥቷል።

በዝግጅቱ ላይ ኤጀንሲው የተቀመጠውን ሃገራዊ አቅጣጫ በተደራጀ መልኩ መምራቱን ያመሰገኑት የኢኖቬሽንና ቴክኖሎጂ ሚኒስቴር ሚኒስትር ድኤታ ዶ/ር ይሽሩን አለማየሁ ሌሎች ክልሎች እንደ ሃገር የአዲስ አበባ ከተማ አርዓያነት ሊከተሉ እንደሚገባ አንስተዋል።

በምክትል ከንቲባ ማዕረግ የአዲስ አበባ ከተማ ዋና ስራ-አስኪያጅ ኢንጂነር ወንድሙ ሴታ የስልጠናው ዋና ግብ ቀልጣፋ አገልግሎት መስጠት የሚችል ብቁ ሰራተኛ መፍጠር መሆኑ ታውቆ ሰልጣኞች ክህሎቱን ወደ ተግባር እንዲቀይሩ አፅንዖት ሰጥተዋል።

ባሉበት ሆነው በነፃ በአርቴፊሻል ኢንተለጀንስ ፣ በዳታ ሳይንስ ፣ በዌብ ፕሮግራሚንግ እና በአንድሮይድ ማበልፀግ ዙርያ የተዘጋጁ ነፃ የኦንላይን ስልጠናዎችን ለመውሰይ በ https://ethiocoders.et/ ላይ ይመዝገቡ።