የኢኖቬቨንና ቴክኖሎጂ ሚኒስትር ዶ/ር በለጠ ሞላ እና የአፍሪካ አመራር ልህቀት አካዳሚ ፕሬዝዳንት አቶ ዛዲግ አብርሃ በሳይንሰ፣ ቴከኖሎጂና ኢኖቬሸን ዘርፍ በክህሎት የዳበረ ብቁ አመራርን በሀገር አቀፍ ደረጃ ለመፍጠር የሚያስችል የመግባቢያ ስምምነቱን ሰነድ ፈርመዋል፡፡
የኢኖቬቨንና ቴክኖሎጂ ሚኒስትር ዶ/ር በለጠ ሞላ በሀገሪቱ በሳይንሰ፣ቴከኖሎጂና ኢኖቬሸን ባህል እንዲዳብርና የሰው ሀብት አመራሩን በማብቃት ወደ ዲጂታል ኢኮኖሚ በማሸጋገር ኢትዮጵያ የጀመረቻቸውን ለውጦች በማፋጠን ላይ የተመሰረተ ስራ ከሰራን በአጭር ጊዜ ግባችንን እናሳካለን ብለዋል፡፡
በዘርፉ ብቁ መሪ መፍጠር ለኢትዮጵያ ወሳኝ ሚና አለው ያሉት ክቡር ሚኒስትሩ ሀገራችን የዲጅታል ኢኮኖሚውን ለማበልፀግ በኢኖቬሽን ዘርፉ ላይ አቅም ያለው የሰው ሀይል ለመፍጠር የሚያስችል ስርዓት በመገንባት ላይ ትኩረት ተሰጥቶት መሰራት እንዳለበት አሳስበዋል፡፡
ሀገራት በአንድ ዘርፍ ብቻ ኢኮኖሚያቸውን ለማሳደግ የሚያደርጉት ጥረት ብዙም ውጤት ሲያመጣ አይስተዋልም በመሆኑም እኛም ግብርና ላይ የተመሰረተ ኢኮኖሚያችንን አድማሱን ለማስፋት እንደ ሀገር ብዙ ስራ እየተሰራ መሆኑን ተናግረዋል፡፡ 
የአፍሪካ አመራር ልህቀት አካዳሚ ፕሬዝዳንት አቶ ዛዲግ አብርሃ በኢኖቬሽን ብቁ የሆነ ለህዘብ ጥያቄ ፈጣን ምላሽ መስጠት የሚችሉ በስራቸውና በምግባራቸው ብቁ አመራሮችን በየደረጃው በብዛት በመገንባት የኢትዮጵያ ብሎም የአፈሪካን ሁለንተናዊ ብልጽግና በዘላቂነት ለማሳካት ወሳኝ ሚና እንዳለው አንስተዋል፡፡
ከአለም አቀፋዊ ጉዳዮች ዙሪያ የሚነሱ ሀሳቦች ላይ ጥናት እና ምርምር በማካሄድ ስልጠናዎችን በመስጠት ለተሳካ ሀገራዊና ተቋማዊ ግንባታ እውን መሆን ኃላፊነቱን መወጣት የሚችል አመራር ማፍራት ቅድሚያ የሚሰጠው ተግባር መሆኑን ገልፀዋል፡፡ 
ሀገራዊ ኢኮኖሚውን ለማሳደግ ከመቸውም ጊዜ በመፍጠን ያለውን አቅም አሟጦ በመጠቀም ከመፈራረም ባለፈ አጋርነቱን በማጠናከር ወደ ስራ እንደሚገባ ተጠቁሟል፡፡