የደቡብ አፍሪካ ምርምር እና ኢኖቬሽን ማኔጅመንት ማህበር (SARIMA) ከምስራቅ አፍሪካ የምርምር እና ኢኖቬሽን ማኔጅመንት ማህበር (EARIMA) ጋር በመተባበር ከሚኒስቴር መስሪያቤቱ እና ተጠሪ ተቋማት ለተውጣጡ 90 ተመራማሪዎች እና የስራ ኃላፊዎች የምርምር አቅምን ማጎልበት የሚያስችል ስልጠና ተሰጥቷል::

በስልጠናው በኢኖቬሽንና ቴክኖሎጂ ሚኒስቴር የሃገራዊ ምርምርና ልማት ስራ አስፈፃሚ ዶ/ር ሃብታሙ አበራ በሚ/ር መስርያ ቤቱ እየተከናወኑ ያሉ የምርምርና ልማት ስራዎች በማቅረብ ምርምር ለአንድ ሀገር ዘላቂ ኢኮኖሚያዊ እድገት ወሳኝ ሚና እንዳለው ተናግረዋል፡፡

ስልጠናው የምርምርና ልማት ስራዎች፣ የምርምር ፈንድ እና የገንዘብ ድጋፍን የማስተዳደር አቅምን ለማጠናከር፣ እንዲሁም የምርምር እና ኢኖቬሽን አስተዳደር እና ሙያዊ ብቃትን ለማሳደግ ያለመ ነው ሲሆን በቀጣይም ስልጠናው በተለያዩ የምርመር ዘርፎች የሚሰጥ ይሆናል፡፡