የኢኖቬሽንና ቴክኖሎጂ ሚኒስቴር አዲስ ሚኒስትር ድኤታ ሆነው ለተሾሙት ክቡር አቶ ሙሉቀን ቀሬ አቀባበል ተደርጎላቸዋል።

ክቡር አቶ ሙሉቀን ቀሬ በተለያዩ የመንግስት ተቋማት በምክትል እና በዋና ዳይሬክተርነት ያገለገሉ ሲሆን ከሰኔ 25 ቀን 2017 ዓ.ም ጀምሮ በተቋሙ የአይሲቲ እና ዲጂታል ኢኮኖሚ ዘርፍ ሚኒስትር ድኤታ ሆነው ተሹመዋል።

በአቀባበሉ ላይ የኢኖቬሽንና ቴክኖሎጂ ሚኒስትር ዶ/ር በለጠ ሞላ የአይ ሲ ቲ እና ዲጂታል ኢኮኖሚ ዘርፍ ከፍተኛ ሃገራዊ ትኩረት የተሰጠው ዘርፍ መሆኑን ጠቅሰው ለውጤታማነቱ ከተቋሙ አመራርና ሰራተኞች እንዲሁም የሚመለከታቸው አካላት ጋር በመተባበር በትጋት እንደሚሰሩ ያላቸውን ተስፋ ገልጸዋል።

ሚኒስቴር መስሪያ ቤቱ ለአይ ሲ ቲ እና ዲጂታል ኢኮኖሚ ዘርፍ ሚኒስትር ዴኤታ ክቡር አቶ ሙሉቀን ቀሬ መልካም የስራ ዘመን እንዲሆንላቸው ይመኛል።