የኢኖቬሽንና ቴክኖሎጂ ሚኒስትር ክብርት ፍሬህይወት ታምሩ፣ ከሚኒስቴሩ ተጠሪ ተቋማት ኃላፊዎች ጋር በመሆን የስፔስ ሳይንስና ጂኦስፓሻል ኢንስትቲዩትን ጎብኝተው የተቋሙን ነባራዊ ሁኔታ፣ አቅምና አፈጻጸም ገምግመዋል።

ግምገማው የተቋሙን ጥንካሬዎችና ክፍተቶች በመለየት፣ ለቀጣዩ የአምስት ዓመት ስትራቴጂክ ዕቅድ መነሻ ለማስቀመጥ ያለመ ነው።

ክብርት ሚኒስትሯ የተቋሙ አቅምና ሀገራዊ አስተዋጽኦ የበለጠ እንዲጠናከር፣ የጂኦስፓሻል መረጃና የዲጂታል አድራሻ ሥርዓቶች በተቀናጀ መንገድ እንዲለሙ፣ እንዲሁም የተጀመሩ ሥራዎች ለሀገርና ለሕዝብ የበለጠ ተጨባጭ ፋይዳ እንዲያስገኙ አቅጣጫ ሰጥተዋል።

ጥቅምት 16 ቀን 2019 ዓ.ም.

የኢኖቬሽንና ቴክኖሎጂ ሚኒስቴር