ክብርት ሚኒስትር ፍሬሕይወት ታምሩ፣ ከሚኒስቴሩ ሚኒስትር ዴኤታዎችና ከተጠሪ ተቋማት ዋና ዳይሬክተሮች ጋር ባደረጉት የኢትዮጵያ ቴክኖሎጂ ባለሥልጣን ጉብኝት፣ ተቋሙ ሕጋዊ ተልዕኮውን በማጥራትና ተቋማዊ አቅሙን በማጠናከር ለደህንነቱ የተጠበቀ የቴክኖሎጂ ልማትና አጠቃቀም ምቹ ሁኔታ እንዲፈጥር አሳስበዋል።

ክብርት ሚኒስትሯ ከሌሎች ተቆጣጣሪ አካላት ጋር ኃላፊነቶችን በግልጽ መለየት፣ የሕግ ማዕቀፎችንና የላብራቶሪ አቅምን ማጠናከር፣ የሕዝብ ግንዛቤን ማሳደግና አገልግሎቶችን በዲጂታል ተደራሽ ማድረግ ላይ ትኩረት እንዲደረግ ጠቁመዋል።

የቁጥጥር ሥራ ስኬት በፈቃድና በምርመራ ብዛት ብቻ ሳይሆን፣ በተቀነሱ አደጋዎች፣ በተጠበቀ ደህንነትና ለፈጠራና ለሀገራዊ ልማት በተበረከተ ተጨባጭ አስተዋጽኦ መለካት እንዳለበት አስገንዝበዋል።

#የኢትዮጵያቴክኖሎጂባለሥልጣን #ቴክኖሎጂ #የሕዝብደህንነት #ፈጠራ #ዲጂታልኢትዮጵያ