ኢኖቬሽንና ቴክኖሎጂ ሚኒስትር ክብርት ፍሬሕይወት ታምሩ ከልዑካን ቡድናቸው ጋር የኢትዮጵያ ኮሙኒኬሽን ባለሥልጣንን የጎበኙ ሲሆን፣ በዚህም ባለስልጣን መ/ቤቱ ተቋማዊ አቅሙን፣ አፈጻጸሙንና ቅድሚያ ሊሰጣቸው የሚገቡ ስትራቴጂያዊ ኢኒሸቲቮችን በጥልቀት ገምግመዋል።

በተለይም የቁጥጥር ስኬቶች በተሻለ ተደራሽነት፣ በተመጣጣኝ ዋጋና ጥራት ባላቸው የኮሙኒኬሽን አገልግሎቶች፣ በተጠናከረ የተጠቃሚዎች መብት ጥበቃና ለሀገራዊ ልማት በሚደረግ ተጨባጭ አስተዋጽኦ መገለጽ እንዳለባቸው አስገንዝበዋል።

በተጨማሪም ባለሥልጣን መ/ቤቱ ሊለኩ የሚችሉ ውጤቶችን የእቅድ፣ የአፈጻጸምና የሪፖርት ሥርዓቱ ማዕከል እንዲያደርግ አቅጣጫ ሰጥተዋል።