ስትራቴጂው የዲጂታል መንግሥት የሚመራበትን እና የሚተገበርበትን ሂደት የሚተነትን፣ አቅጣጫዎችን የሚያስቀምጥ ሲሆን ለትግበራውም ስኬት ከታወቁ ደረጃዎችና ማዕቀፎች መካከል የኢንተርፕራይዝ አርኪቴክቸርን ያካተተ ነው። 
የኢኖቬቨንና ቴክኖሎጂ ሚኒስትር ዶ/ር በለጠ ሞላ የኢትዮጵያን የዲጂታል ኢኮኖሚው በማጎልበት ዓለም የደረሰበት እድገት ላይ ለመድረስ የዲጂታል ስትራቴጂው ወሳኝ ሚና እንዳለው አስገንዝበዋል።
የዲጂታል ኢኮኖሚውን ለማጎልበት የዲጂታል መሠረተ ልማት ዝርጋታዎችን ማስተባበር፣ የህዝብ አገልግሎቶችን ዲጂታይዜሽን እንዲመራ ማድረግ እና ዜጎቻችን ዘመኑን የዋጀ ክህሎት እንዲኖራቸው ማድረግን ስለሚጠይቅ በስትራቴጂ ላይ  የተመሰረተ ስራዎችን በመስራት የኢኮኖሚ ምህዋሩን በፍጥነት መዘወር ይጠበቅብናል ብለዋል።
በዲጂታል ቴክኖሎጂ አቅም ላላት ኢትዮጵያ ሰነዱ ራዕይ ነው ያሉት ክቡር ሚኒስትሩ አለም አቀፋዊ ምርጥ ልምዶችን ያካተተ እና የዲጂታል ትራንስፎርሜሽን ጉዟችንን የሚመሩ ቁልፍ መርሆችን መሰረት ያደረገ የዲጂታል ስትራቴጂ መሆኑን አንስተዋል።
በኢትዮጵያ የአውሮፓ ህብረት ተወካይ ትብብር ኃላፊ ሮቤርቶ ሺሊሮ ስትራቴጂው ኢትዮጵያ በዲጂታል፣ በሃይል እና በትራንስፖርት ዘርፎች ግልፅና ደህንነቱ የተጠበቀ አውታርን ለማሳደግ እና የጤና፣ የትምህርት እና የምርምር ስርዓቶችን በአለም ዙሪያ ለማጠናከር ያለመ መሆኑን ገልፀዋል።
ኢትዮጵያ የዲጂታል ዘርፉን በመሰረተ ልማት በማሻሻልና በማብቃት የምታደርገው ጥረት የሚበረታታ መሆኑንም ገልፅዋል።
የኤሌክትሮኒክ መንግስት አገልግሎት ስትራቴጂ እና ኢንተርፕራይዝ አርክቴክቸር 2024- 2029 ሰነድ በቀጣይ ለኢትዮጵያ ዲጂታል ትራንስፎርሜሽን ብሄራዊ ካውንስል፣  ቀርቦ እንደሚፀድቅና ወደ ሙከራ ትግበራ ይገባል።