የኦሮሚያ ኅብረት ሥራ ባንክ፣ በብሎክ ቼን ቴክኖሎጂ ላይ መሰረት ያደረገ የውጭ ሀዋላ አገልግሎት በኢትዮጵያ ለማስጀመር ከInFTF ጋር በጋራ መሥራት መጀመሩን አስታውቋል።

የባንኩ በዓለም አቀፍ ደረጃ በአካታች ፋይናንስና ማህበራዊ ተሳትፎ ላይ ከሚሠራው InFTF ግብረ ሰናይ ድርጅት ጋር በጋራ በመሆን በሀገሪቱ የመጀመሪያው የሆነውን በብሎክቼን ቴክኖሎጂ የታገዘ የሬሚታንስ አገልግሎት ለመስጠት በተካሄደው ስትራቴጂካዊ አጋርነት የብሎክቼይን አገልግሎት በአፍሪካ ለመጀመሪያ ጊዜ ተጀመረ፡፡

በፕሮግራሙ ላይ የተገኙት የኢኖቬሽንና ቴክኖሎጂ ሚኒስትር ዴኤታ ዶ/ር ይሹሩን አለማየሁ የብሎክቼይን ቴክኖሎጂን በመጠቀም የኦሮሚያ ህብረት ስራ ባንክ እና የኢስቶኒያው አካታች ፋይናንሺያል ቴክኖሎጂ ፋውንዴሽን (InFTF ) ላደረጉት ተነሳሽነት በማድነቅ በሀገራችን ቴክኖሎጂ ለኢኮኖሚ እና ለማህበራዊ ልማት እድገት ዋና መሰረት ሆኖ የሚያገለግል መሆኑን አንስተዋል። ሀገራችን ለምታራምደው የዲጂታል ትራንስፎርሜሽን ጉዞም ከፍተኛ ሚና እንዳለው ጠቁመዋል፡፡

ክቡር ሚኒስትር ዴኤታ ው የብሎክቼይን ቴክኖሎጂን የፋይናንስ አገልግሎት በመጠቀም የባንክ ዘርፉን አቅም ማጎልበት ያስፈልጋል ብለዋል፡፡

የኦሮሚያ ህብረት ስራ ባንክ ፕሬዚዳንት አቶ ደርቤ አስፋው ስምምነቱ ከ InFTF ጋር በጋራ በመሆን ፈጣን ከሬሚታንስ መላኪያ ክፍያ ከፍተኛ መሆን ጋር በተያያዘ ገንዘብ መላላክ ላይ የነበረውን ውስንነት በማስቀረት ድንበር ተሻጋሪ የሃዋላ አገልግሎቶችን፣ ተደራሽ ላልሆኑ የማሀበረሰብ ከፍሎች በበቂ ሁኔታ በማቅረብ ማህበራዊ ችግሮችን የማቃለሉን ሂደት ያግዛል ብለዋል።

ባንኩ ለዲጂታል ቴክኖሎጂ ቅድሚያ በመስጠት የማህበረሰብን ችግር መቅረፍ ላይ ትኩረት ሰጥቶ እንደሚሠራ የገለጸ ሲሆን በውጭ ሀዋላ ረገድም የመላኪያ ክፍያ ውድነትን ጨምሮ ለሚስተዋሉት ችግሮች መፍትሄ የሆነ አዲስ ስልት እንደሆነ ተገልጿል።

ባንኩ መተግበሪያውን ከፕሌይ ስቶርና አፕ ስቶር በቀላሉ በማውረድ መጠቀም እንዲቻል ለተጠቃሚዎች ከፍት መሆኑን አሳውቋል።