የኢኖቬሽንና ቴክኖሎጂ ሚኒስቴር በ2018 በጀት አመት የስድስት ወር የዕቅድ አፈፃፀም ግምገማ፣ የኢኖቬሽንና ቴክኖሎጂ ሪፎርምና በዲጂታል ኢትዮጵያ 2030 ስራቴጂና የስታርታፕ የተግባር እቅድ ላይ መክረዋል።

በመድረኩ ላይ ተገኝተው የመክፈቻ ንግግር ያደረጉት የኢኖቬሽንና ቴክኖሎጂ ሚኒስትር ዴኤታ ክቡር አቶ ሙሉቀን ቀሬ የኢትዮጵያን የወደፊት ታላቅነት የሚያረጋግጠውን የዲጂታል ኢትዮጵያ 2030 ለስኬት የሚያበቁ እቀዶችን አቅደን ልንሰራ ይገባል ብለዋል።

ሪፎርም እንደለውጥና የስኬቶች ሁሉ መሰረት ነው ያሉት ክቡር ሚኒስትር ዴኤታው በለውጥ ውስጥ ያለችው ሀገራችን ኢትዮጵያ በዓለም አቀፍ ደረጃ ተወዳዳሪ ለመሆን የሚያስቸላትን አቅም በመፍጠር የዲጂታል ኢኮኖሚዋን እየገነባች መሆኗን አንስተዋል።

ከዲጂታል አለም ጋር ተግባብቶ በመስራት የዲጂታል ኢትዮጵያ 2030 ስኬትን ማረጋገጥ ፍላጎት ብቻ ሳይሆን የኢኮኖሚው አውድ የሚጠይቀው ግዴታ ጭምር መሆንኑ በመግለፅ አስገንዝበዋል።

በመድረኩ መዝጊያ ፕሮግራም ላይ የኢኖቬሽንና ቴክኖሎጂ ሚኒስትር ዴኤታ ዶ/ር ባይሳ በዳዳ ኢትዮጵያ በዓለም አቀፍ ደረጃ በቴክኖሎጂ ዘርፉ ተወዳዳሪ ለማድረግ አለም የታጠቀውን ክህሎት ባለቤት እንድትሆን ፈጣን ሁለንተናዊ ተግባር እየተከናወነ መሆኑን ገልፀዋል።

ሳይንስ፣ ቴክኖሎጂና ኢኖቬሽን ዘርፍ የሁሉም መሰረት ነው ያሉት ሚኒስትር ዴኤታው የኢትዮጵያ ስታርታፕ ዲጂታል ፕላትፎርም ዘርፉን ለማሳደግ እና ኢኮኖሚውን የመደገፍ ፋይዳ አለው ብለዋል።

አክለውም የስታርታፕ አዋጅ በተገቢው መንገድ ተግባራዊ ማድረግ በሀገራዊ ኢኮኖሚ ላይ ከፍተኛ ሚ፣ና ስላለው ሁሉም የዘርፉ ተዋናይ ህሳቤውን በመረዳት ወደ ተግባር የመቀየር ሀላፊነታቸውን እንዲወጡ አሳስበዋል።

በመጨረሻም የታቀዱ እቅዶችን በመከለስ የተሻለ ውጤት ለማስመዝገብ በኢኖቬሽንና ቴክኖሎጂ ዘርፍ ተዋናዮች የሰው ሀይል ግንባታ ላይ የሚሰሩ ስራዎች ተጠናክረው ሊቀጥሉ እንደሚገባ ተሳታፊዎች ገልፀዋል።